Friday, August 21, 2020

Предавање

 


Не е лесно

Ако си борец, верник и инает

Секогаш во тебе ќе биде

Жичката на пркоста

Кога знаеш дека не е тоа

Што треба да биде

Дека и од белото има побело

И од црното поцрно

И ќе те издава со секој поглед

Со секој направен чекор

Во секој збор, и во секој молк

Ќе те потсетува дека не си се предала

Ќе ти се сокрие ко вештер под кревет

Ќе те скокотка навечер

И ко јаболко ќе те мами

Да те врати таму каде што застана

Да те посети кога беше млада и наивна

За да знаеш дека нема поубаво од вербата

И нема помило од чистината